सदभावना पार्टीका अध्यक्ष राजेन्द्र महतोले बैशाखबाट मधेशमा आन्दोलन पुनः शुरु गरिए पनि सीमा नाकामा धर्नाको कार्यक्रम नहुने बताएका छन् ।

वीरगञ्जमा २४ चैतमा सञ्चारकर्मीसँग कुराकानी गर्दै महतोले वैशाखदेखि हुने आन्दोलनले अब सोझै सिंहदरबारमाथि दबाब दिने खालको हुने दाबी गरे ।

विगतको ६ महिनाको आन्दोलनको समिक्षा गर्दै उनले नाकाबन्दीले सरकारलाई दबाब नभई जनतामा मात्रै प्रभाव पारेकोले अब सिंहदरबारमै धर्ना दिने, मन्त्रीको गाडी रोक्ने जस्ता कार्यक्रम ल्याइने बताए । उनले राजमार्ग अवरुद्ध भने हुनसक्ने बताए ।

आफ्ना मागहरु पूरा गराउन सरकारलाई चैत मसान्त सम्मको अल्टिमेटम दिइएको बताउँदै उनले सरकारले बेवास्ता गरेको आरोप लगाए ।

“अहिलेको सरकार सभ्य छैन, जिम्मेवार पनि छैन,” उनले भने ।
जियालाल साह, वीरगञ्ज

प्रतिकृया दिनुहोस