संसदीय दलको नेता छनोट गर्न नेपाली कांग्रेस संसदीय दलको कार्यालय सिंहदरवारमा मतदान शुरु भएको छ ।

सांसदहरुले मतदानका लागि लाइनमा उभिएका छन् । ११ बजे शुरु हुने भनिएको मतदान केही समय ढिलाई गर्दै शुरु भएको हो ।

संसदीय दलको नेताका लागि पार्टी सभापति शेरबहादुर देउवा र बरिष्ठ नेता रामचन्द्र पौडेलले उम्मेदवारी दर्ता गराएका छन् ।

२०७ सांसदले मतदान गर्ने चुनावको नतिजा आजै सार्वजनिक हुने निर्वाचन समितिका संयोजक रमेश रिजालले बताए । मतदानका लागि भोटिङ मेसिनको प्रयोग गरिएको छ ।

संसदीय दलका नेता तथा तत्कालीन पार्टी सभापति सुशील कोइरालाको निधन भएकाले पुनःदलका नेता छनोट गर्न चुनाव भएको हो । अघिल्लो पटक देउवा सुशील कोइरालासँग संसदीय दलको नेतामा पराजित भएका थिए ।

कोइरालाले १०५ र देउवाले ८९ मत ल्याएको परिणाम १ चैतमा सकिएको १३औं महाधिवेशनमा सभापति निर्वाचित भएसँगै देउवाले उल्ट्याएका छन् । उनी समर्थक नेताहरुका अनुसार देउवा २५ देखि ३० मत अन्तरले दलको नेता निर्वाचित हुने अनुमान गरिएको छ ।

–कपिल भट्ट, काठमाडाै‌ं