बाँकेको खासकुस्मा–१ रानीगजरीमा आगलागी हुँदा ७ घर जलेका छन् ।

२५ चैत दिउँसो कुसुमस्थित दक्षिणकाली पेट्रोल पम्प नजिकको धनप्रसाद पुनको घरबाट शुरु भएको आगलागीबाट ६ वटा फुस र एउटा टिनले छाएको घर जलेको इलाका प्रहरी कार्यालय कुसुमले जानकारी दिएको छ ।

दमकल, नेपाली सेना, प्रहरी र स्थानीय मिलेर करिब अढाई घण्टापछि आगो निभाइएको छ ।

नेपालगञ्जबाट ७५ किलोमिटर पूर्वमा रहेको खासकुस्मामा लागेको आगो निभाउन नेपालगन्ज उपमहानगरपालिकाको दमकल पठाइएको वारुण यन्त्र शाखाले जनाएको छ ।

क्षतिको यकिन विवरण पनि आइसकेकोे छैन ।
केशव राना, बाँके

प्रतिकृया दिनुहोस