तस्वीर: गोपाल भण्डारी

कपिलवस्तुको कुशहवा गाविसको ४ र ५ नम्बर वडामा लागेको आगोबाट १२५ घर खरानी भएका छन् ।

स्थानीय कौशल मुराउको घरबाट दिउँसो २ बजे सल्केको आगो साँझ ६ बजेमात्रै नियन्त्रणमा आउन सकेको थियो ।

खर–फुसका घर भएको विपन्न वस्तीमा लागेको आगो चाँडै फैलिंदा घरमा रहेका नगद जिन्सी केही पनि बचाउन नसकिएको स्थानीयले बताएका छन् ।

इलाका प्रहरी कार्यालय कृष्णनगरका प्रहरी निरीक्षक नमराज भट्टराईका अनुसार आगलागीबाट करिब एक करोडको क्षति भएको अनुमान गरिएको छ ।

घर जलेका पीडितहरु अहिले खुला आकाशमुनी बस्न वाध्य छन् ।

कपिलवस्तुकी प्रमुख जिल्ला अधिकारी इन्दु घिमिरेका अनुसार आजैदेखि राहत संकलन शुरु गरिएको छ । संकलित राहत सामाग्री भोलि विहान पीडितहरुलाई वितरण गरिने उनले जानकारी दिइन् ।
गोपाल भण्डारी, कपिलवस्तु

प्रतिकृया दिनुहोस