उत्तरी भारत, पाकिस्तान र अफगानिस्तानमा भूकम्पको धक्का महशुस भएको छ ।

भारतको दिल्ली, हिमाचाल, राजस्थान लगायतका स्थानमा भूकम्पको धक्का महशुस भएको बीबीसीले जनाएको छ । भूकम्प गएपछि दिल्लीको मेट्रो ट्रेन बन्द गरिएको, मानिसहरु घर बाहिर भागाभाग गरेको भारतीय अनलाइन पत्रिकाहरुले उल्लेख गरेका छन् ।
त्यसैगरी पाकिस्तानको खैबर पख्तुनख्वा र पञ्जावमा पनि भूकम्पको धक्का महशुस भएको पाकिस्तानी पत्रिका डनले जनाएको छ । डनका अनुसार इस्लामावाद, रावलपिन्डी, कश्मिरमा समेत भूकम्पको झड्का महशुस भएको छ ।

शुरुमा साँझ ४ः१५ बजे भूकम्पको पहिलो झड्का महशुस भएको र त्यसपछि थप केही झड्का आएको स्थानीय पत्रिकाहरुले जनाएका छन् ।

७.१ म्याग्निच्यूडको भूकम्पको केन्द्र अफगानिस्तानका हिन्दूकुश क्षेत्र भएको र यसको गहिराई २३६ किलोमिटर रहेको पाकिस्तानी भूगर्भ विभागले जनाएको छ ।

समाचार एजेन्सी पीटीआईका अनुसार भारतको सिस्मोलोजी सेन्टरले भूकम्पको तिव्रता ६.८ म्याग्निच्यूड मापन गरेको छ ।

भूकम्पबाट क्षति भए/नभएको खबर अहिलेसम्म प्राप्त भइसकेको छैन ।

प्रतिकृया दिनुहोस