नेपालमा गत वर्ष गएको महाभूकम्पका लागि जापान सरकारसहित विभिन्न निकायले पठाएको रकमबारे जापानका सांसदहरुले चासो व्यक्त गरेका छन् ।

उनीहरुले महाभूकम्पको झण्डै वर्ष पुग्न लाग्दा नेपाल आएको ३२ अर्वप्रति चासो जनाएका हुन् । “जापान सरकारसहितका संस्थाहरुले पठाएको रकम कहाँ, कति, कसरी खर्च भइरहेको छ ?”, उनीहरुको चासो छ ।

जापानी एक सांसदले भने, “जापान सरकारसहित विभिन्न संघसंस्थाबाट हामीले करीब ३२ अर्ब पठाएका छौं । भुकम्प पीडितले राहत पाएका छन् कि छैनन् ?”

मुलुकी ऐन प्रतिस्थापनकाका लागि बृहत अध्ययनको क्रममा संसदको बिधायन समितिका सदस्य र जापानी सांसदहरुको टोलीबीच आज, २ वैशाखमा जापानको House of Representative 1st Diet Member  को कार्यालयमा भेटवार्ता भएको थियो ।

बधायन समितिकी सभापति गंगा चौधरी सत्गौवा नेतृत्वमा रहेको नेपाली टोलीले जापानी सांसदहरुको जिज्ञासाको जवाफ दिदै भूकम्पपीडितको राहतका लागि सरकारले पुननिमार्ण प्राधिकरण गठन गर्नेलगायतका काम गरिरहेको जवाफ दिएको थियो ।

नेपाली टोलीका तर्फबाट कांग्रेस सांसद राधेश्याम अधिकारीले आउने बर्षायाम अघि नै अधिकांश पीडितले बस्ने घर पाउने संभावना रहेको बताए । गत २८ चैतमा जापान गएको नेपाली टोली ५ वैशाखमा नेपाल फर्कदै छ ।

प्रतिकृया दिनुहोस