धनकुटाको लेगुवा–१ छुम्लिङस्थित जंगलमा लागेको डढेलो नजिकै रहेको बस्तीमा सल्कदा १२ घर जलेको छ ।

हावाहुरीसँगै जंगलमा लागेको डढेलो अझै नियन्त्रणमा आउन सकेको छैन । डढेलोले छुम्लिङका राजन लामिछाने, सटेन्द्र लामिछाने, ठाकुर नेपाल, शान्तिराम पौडेल, तोयानाथ पौडेल, लक्ष्मी लामीछाने, नारायण लामीछाने, गजेन्द्र लामिछाने, इन्द्र तामाङ, दामोदर दाहाल, रामबहादुर तामाङ र दीपक नेपालको घर जलेको छ ।

घर जल्दा लत्ताकपडा, अन्न, भाडाबर्तन र काठ जलेको लेगुवा गाविस सचिव राजन सुवेदीले बताए । डढेलो नियन्त्रण गर्न सुरक्षा निकायसँगै समुदाय समेत जुटेका छन् ।

-सन्तोष रुचाल, धनकुटा

प्रतिकृया दिनुहोस