दुई महिना अघि कञ्चनपुरबाट वेपत्ता भएकी बालिकाको भारतको हिमाञ्चलबाट उद्धार गरिएको छ ।

माईती नेपाल, कञ्चनपुरको टोलीले भारतीय प्रहरीको सहयोगमा भारतको हिमाञ्चलस्थित होल्हाल, पोण्डा साहेबबाट बालिकाको उद्धार गरेको हो ।

१ बैशाखमा उद्धार गरिकी बालिकालाई शनिबार महेन्द्रनगर ल्याइएको छ ।

कञ्चनपुरको भीमदत्त नगरपालिका–८ की १२ वर्षीय बालिका गत फागुन १२ देखि बेपत्ता भएपछि परिवारले खोजतलासका लागि माइती नेपालमा निवेदन दिएका थिए ।

उनले गरेको फोनका आधारमा खोजी गर्दै जादा हिमाञ्चल र उत्तराखण्डको सीमा क्षेत्रमा भेट्टाइएको माइती नेपाल, कञ्चनपुर संयोजक महेश्वरी भट्टले जानकारी दिइन ।

‘फोन ट्रेस गरी लोकेसन सर्च ग¥यौं । कहिले देहरादून, कहिले हिमाञ्चल लगिएको रहेछ’ संयोजक भट्टले भनिन् ।

भारतको उत्तराखण्ड र हिमाञ्चल प्रदेशको प्रहरीको टोली र बेचविखनका विरुद्ध कार्यरत भारतीय संस्थाका प्रतिनिधिसहित हिमाञ्चलको पोण्डा साहेबमा छापा मारेर बालिकाको उद्धार गरिएको हो ।

बच्चु विक

प्रतिकृया दिनुहोस