नेपाली कांग्रेसका नेता प्रकाशमान सिंहले आफ्नो दल तत्काल सरकारमा जाने संभावना नरहेको बताएका छन् ।

राजनीतिक स्थिरता नहुँदा संविधान कार्यान्वयनमा कठिनाइ आइरहेको भन्दै उनले नेपाली कांग्रेस प्रतिपक्षमै रहेर संविधान कार्यान्वयनको नेतृत्व गर्ने बताए ।

नेपाली कांग्रेस भरतपुर उपमहानगरपालिकाले नारायणगढमा आयोजना गरेको कार्यक्रममा नेता सिंहले राजनीतिक अस्थिरताकै कारण पुनः निर्माण प्राधिकरणले समेत काम गर्न नसकेको बताए ।

दलहरु जिम्मेवार बन्न नसक्दा आन्दोलनका उपलब्धि संस्थागत हुन नसकेको भन्दै उनले आन्दोलनका उपलब्धि संस्थागत गर्नका लागि कांग्रेस लागिपर्ने बताएका थिए ।
रासस

प्रतिकृया दिनुहोस