झापाको दमकस्थित मुख्य चौकबाट दिनदाहडै एउटा मनी ट्रान्सफरको लाखौ रकम लुटिएको छ ।

दमक १० स्थित राजमार्ग किनारको प्रभु बैंकबाट मोरङ्ग मधुमल्लाको गंगा मनि ट्रान्सफरका चालक विष्णुप्रसाद भण्डारीले निकालेको २१ लाख रुपैयाँ लुटिएको हो ।

१० च ७८५० नम्बरको ट्रान्सफरको गाडीमा पछाडि राखिएको रु २१ लाखसहितको झोला छिनमै गाएब भएको भण्डारीले प्रहरीलाई बताएका छन् ।

भण्डारीको बयान अनुसार ५ बैशाख दिउँसो करिब साढे तीन बजे मनिट्रान्सफरको गाडीका चालक भण्डारीले निकालेको नगद गाडीमा राख्दै गर्दा नजिकै सडकमा केही नोटहरु देखे ।

तत्कालै उनले आफूले बोकेको रुपैयाँ सहतिको झोला गाडीमा राखेर सडकमा झरेको रुपैयाँ टिप्न गए । उनी फर्कंदा रु २१ लाखसहितको झोला गायब भइसकेको थियो ।

घटनाको प्रकृति हेर्दा योजनाबद्ध तरिकाबाट रकम चोरिएको हुनसक्ने र थप अनुसन्धान भइरहेको दमक प्रहरीले जनाएको छ ।
गोपाल गडतौला, झापा

प्रतिकृया दिनुहोस