प्रधानमन्त्री केपी शर्मा ओलीले अधिवक्ता हरि फुयाँललाई महान्यायाधीवक्तामा नियुक्त गरेका छन् ।

प्रधानमन्त्री ओलीले आज, ५ वैशाखमा फुयाँललाई महान्यायाधीवक्ता नियुक्त गरेको प्रधानमन्त्रीका प्रेस सल्लाहाकार प्रमोद दाहालले जानकारी दिए ।

हरिकृष्ण कार्कीले राजीनामा दिएपछि रिक्त रहेको पदमा फुयाँल नियुक्त भएका हुन् । कार्की सर्वोच्च अदालतको न्यायाधीशमा सिफारिस भएका छन् ।

बेलायतको एसेक्स युनिभर्सिटिबाट ‘ह्युमन राइट्स ल’ अध्ययन् गरेका फुयाँल मानवअधिकार र संक्रमणकालीन न्यायसम्बन्धी कानूनका जानकार मानिन्छन् ।

प्रतिकृया दिनुहोस