तस्वीर: गोपाल भण्डारी

युनेस्कोकी महानिर्देशक लरिना बोकोभाले राजा शुद्धोधनको प्राचीन दरबार क्षेत्र तिलौराकोटमा भइरहेको उत्खनन्को अवलोकन गरेकी छन् ।

गौतम बुद्धले जीवनको २९ वर्ष बिताएको भनिएको तिलौराकोट दरबार क्षेत्रमा भएको उत्खनन्को अवलोकन गर्दै महानिर्देशक बोकोभाले प्राचीन कपिलवस्तु क्षेत्रको विकास र संरक्षणमा स्थानीय सर्वसाधारणको पनि सहभागिता गराउनु पर्नेमा जोड दिएकी छन् ।

युनेस्को, जेफिड (जापान फन्ड ईन ट्रस्ट) र नेशनल जियोग्राफी सोसाईटी अमेरिकाको सहयोगमा लुम्बिनी बिकास कोष, पुरातत्व बिभाग र बेलायतको दुरहाम विश्वविद्यालयका पुरातत्वविदहरुको संयुक्त टोलीले तिलौराकोटमा उत्खनन् गरिरहेको छ ।

महानिर्देशक बोकोभोले युनेस्कोले प्राचीन कपिलवस्तु पुरातात्विक क्षेत्रको विकासका लागि सहयोग प्रदान गर्ने प्रतिवद्धता जनाएकी छिन् ।

महानिर्देशक बोकोभोलाई उत्खनन् कार्यमा संलग्न रहेका बेलायतका दुरह्याम विश्वविद्यालयका प्रोफेसर कनिंघमले उत्खनन्मा भएको प्रगतीबारे जानकारी गराएका थिए ।

दोस्रोचरणको तिलौराकोट उत्खनन् अन्वेषण परियोजना अन्र्तगत तिलौराकोटका ३ र निग्रोधारामको एक ठाउँमा उत्खनन् भएको छ ।

उत्खननमा पूर्वीद्वार नजिकको सुरक्षा पर्खालसँगै अन्य संरचनाहरु समेत फेला परेको पुरात्तवविद् तथा युनेस्कोका कन्सल्टयान्ट कोष प्रसाद आचार्यले बताए ।

एक वर्षअघि गरिएको भूभौतिक सर्वेक्षण (जियोफिजिक्स सर्भे) अनुसार उत्खनन् गर्दा विभिन्न संरचनाहरु रहेको देखिएको उनले जानकारी दिए ।

फेला पारिएका संरचनाको बाँकी उत्खनन र बैज्ञानिक परीक्षण पछि थप स्पटता आउने उनको भनाई छ ।
गोपाल भण्डारी, कपिलवस्तु

प्रतिकृया दिनुहोस