तस्वीर: जियालाल साह

यसवर्षका लागि पर्याप्त मात्रामा रासायनिक मल आयात भइसकेकाले अघिल्ला वर्षहरुमा झैं खेतिका बेला मलको हाहाकार नहुने कृषि सामग्री कम्पनी लिमिटेडले जनाएको छ ।

किसानहरुले खेतबारीमा हाल्न मलको अभाव ब्यहोर्दै आएकोमा यस वर्ष भने बेलैमा पर्याप्त मल ल्याएर भण्डारण गरिसकेकाले रासायनिक मलको अभाव नहुने कृषि कम्पनी लिमिटेड वीरगञ्जका क्षेत्रीय प्रवन्धक राजेन्द्रबहादुर कार्कीले बताए ।

कुल माग ३ लाख ५० हजार मेट्रिक टन अनुसारकोे १ लाख ८० हजार मेट्रिक टन युरिया, ७० हजार मेट्रिक टन डिएपी र ५ हजार मेट्रिक टन पोटास नेपाल भित्रिसकेको उनले बताए ।

उनका अनुसार थप रासायनिक मल केही दिनमै गोदाममा भित्रिसक्ने छ ।

क्षेत्रीय कार्यालय वीरगञ्जले वीरगंज चिनी कारखाना, भुटनदेवी र नेशनल ट्रेडिङ लिमिटेडको गोदाम भाडामा लिएर ३ लाख ५० हजार बोरा मल भण्डारण गरिसकेकाले धान रोपाईको समयमा कृषकहरुलाई समस्या नहुने प्रबन्धक कार्किले बताए ।

उनका अनुसार क्षेत्रीय कार्यालय अन्तर्गतका ७ जिल्लाबाहेक पश्चिमाञ्चलका पर्वत, दमौलि, पोखरा, नवलपरासी, गोर्खा जिल्लामा रहेका गोदाममा ३ लाख बोरा मल मौज्दात छ ।
जियालाल साह, वीरगञ्ज

प्रतिकृया दिनुहोस