भारतमा बेच्न लगिंदै गरेको अनुमान गरिएकी जाजरकोटकी एक किशोरीलाई माइती नेपालले नेपालगञ्ज–रुपैडिहा नाकाबाट उद्धार गरेको छ ।

उद्धार गरिएकी जाजरकोट अर्छानी ६ की १७ वर्षीया किशोरीलाई अहिले माइती नेपालको नेपालगन्ज कार्यालयमा राखिएको छ ।

किशोरीले भने आफू भारतको उत्तरकासी भन्ने ठाउँमा रहेका आफना बुवालाई भेटन जान लागेको बताएकी छन् । तर उनका बुवा उत्तरकाशीमा नभई गाउँमै छन् । परिवारका कोही पनि उत्तरकाशीमा छैनन् ।

माइती नेपाला नेपालगन्जका संयोजक केशवराज कोइरालाका अनुसार किशोरी एक्लै भेटिएको र उनले बुवालाई भेट्न जान लागेको बताए पनि उनको कुरा गराई र हाउभाऊ हेर्दा कसैले ललाईफकाई गरी भारत लैजान लागेको स्पष्ट भएको बताए ।

एसएलसी दिएर घरमै बसेकी किशोरी कसैलाई खवर नदिएर एक्कासी बेपत्ता भएकी थिइन् । “छोरी हराएपछि गाउँघर आफन्त सबै तिर खोज्यौं, अहिले नेपालगञ्जमा छ भन्ने थाहा पाएर लिन जाँदैछु,” जाजरकोटमै रहेका किशोरीका बाबुले भने ।

ठूलो शहर घुम्ने र धेरै कमाउने लोभ देखाउदै दलालहरुले किशोरीहरुलाई ललाइफकाई भारतमा लगेर बेच्ने गरेको र यो घटनामा पनि कुनै दलालको हात भएको प्रहरीले जनाएको छ ।
राजेन्द्र कार्की, जाजरकोट

प्रतिकृया दिनुहोस