गोरखाको बारपाक हुँदै मनाङ पुग्ने मनास्लु पदमार्गको मनाङ खण्डको स्थानीयबासीले मर्मत तथा सरसफाई गरेका छन् ।

१२ बैशाखको भूकम्पमा क्षतिग्रस्त भएपछि बन्द रहेको पदमार्ग सामान्य मर्मतपछि सुचारु भए पनि अघिल्ला वर्षहरुमा जस्तो पर्यटक नआएको भन्दै स्थानीयले थप मर्मत र सरसफाई गरेका हुन् ।

अन्नपुर्ण संरक्षण क्षेत्र आयोजना एक्यापले स्थानीय स्तरमा गठन गरेको संरक्षण क्षेत्र व्यवस्थापन समिति थोँचेको आयोजनामा थोँचेदेखि भिमथाङ हुँदै ३ हजार ४ सय मिटरको लार्केपासको फेदीसम्म सरसफाई गरिएको जिविस मनाङका मेनका घलेले जानकारी दिईन् ।

पदमार्गमा नियमित सरसफाई गर्न सके पर्यटकका लागि थप आकर्षक हुने स्थानीयको विश्वास छ ।

मनास्लु पदमार्ग गोरखाबाट लार्केपास भएर मनाङ हुँदै लमजुङ सदरमुकाम बेसीशहर पुगेर टुंगिन्छ ।
शब्द–युवराज श्रेष्ठ, तस्वीर– मेनका घले

प्रतिकृया दिनुहोस