रमझमबिहीबार, बैशाख ९, २०७३

‘बडा सुन्दर बा हमरो नेपाल, तराई पहाड सजनी’

हिमालखबर

sodhaपर्साका सोधा यादवले गीत मार्फत पहाड र तराईको दुरीलाई कम गर्ने प्रयास गरेका छन् । अहिले उनको गीतले मध्य तराईमा चर्चा कमाएको छ ।

‘बडा सुन्दर बा हमरो नेपाल, तराई पहाड सजनी’ बोलको भोजपुरी देश–गीत मार्फत पर्साको नगरदाहाका सोधाले तराई पहाड हिमालको सुन्दर बर्णन गरेका छन् । उनले यो गीत करिब साढे दुई वर्ष पहिले नै रचना गरी गाएको भए पनि यसले चर्चा भने भर्खरै पाउन थालेको हो ।

नेपालमा सम्पूर्ण जातजाति भाषभाषी सदियौंदेखि मिलेर बसेको भन्दै गीतले सम्पूर्ण नेपालीलाई जोड्ने प्रयास गरेको छ ।

उनको गीत सुनेर प्रभावित भएका अमेरिका निवासी एक नेपालीले सुधा यादव र उनको टोलीलाई रु १० हजार ५ सय सहयोग गरेका छन् ।

समुदाय र व्यक्तिव्यक्ति बीच फाटो बढाउने काम भइरहेका बेला सुदुर गाउँमा बसेर देश जोड्ने गीत गाउने सुधा यादव जस्तो प्रतिभालाई ‘एक्सोपजर’ दिनुपर्ने वीरगञ्जका अरविन्द सिंहको धारणा छ ।

सुधा यादव आफैं गीत लेख्छन्, संगीत भर्छन र गाउँछन् । यसमा साथ दिन उनको वाद्यवादक टोली पनि छ ।

अमेरिका निवासी नेपालीले पठाएको सहयोग रकममा सानो भए पनि यसले आफूलाई ठूलो प्रेरणा दिएको यादवको भनाई छ । उनी भन्छन, “यसलाई सहयोग भन्दा पनि सम्मान ठानेको छु मैले ।”
जियालाल साह, वीरगञ्ज

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...