तस्वीर: गोपाल भण्डारी

कपिलवस्तुकोे उदयपुर– ६ मा आज, १० वैशाख दिउँसो भएको आगलागीका कारण ३० घर जलेर नष्ट हुंदा ५० लाख बढीको क्षति भएको छ ।

स्थानीय गंगाराम कुर्मीको घरको चुल्होबाट सल्किएको आगोले पुरै गाउँ लपेटेको थियो ।

आगलागीबाट स्थानीय सन्तराम यादवको नगद–जिन्सीसहित ३ वटा भैसी समेत जलेका छन् ।

दिउसो करीब ३ बजे लागेको आगो कपिलवस्तु नगरपालिकाको दमकल, नेपाली सेना, नेपाल प्रहरी, सशस्त्र प्रहरी र स्थानीयको प्रयासमा साँझ ६ बजे मात्रै नियन्त्रणमा आएको थियो ।

तस्वीर: गोपाल भण्डारी

आगलागी पिडितहरुलाई तत्काल राहत उपलब्ध गराउन स्थानीय प्रशासन सक्रिय भएको प्रमुख जिल्ला अधिकारी ईन्दु घिमिरेले बताईन् ।

हुरी बतासका बेला आगलागीबाट बच्न सतर्कता अपनाउन पनि प्रजिअ घिमिरेले आग्रह गरेकी छिन् ।
गोपाल भण्डारी, कपिलवस्तु

प्रतिकृया दिनुहोस