प्रधानमन्त्री केपी शर्मा ओलीले भूकम्पबाट क्षतिग्रस्त संरचनाको पुनःनिर्माण अभियानमा स्वयमसेवक खटाउन प्रतिश्पर्धा गर्न राजनीतिक दलहरुलाई आग्रह गरेका छन् ।

पुनःनिर्माणका लागि खटिएका इञ्जिनियरलाई बिदाइ गर्न राष्ट्रिय पुनःनिर्माण प्राधिकरणले आयोजना गरेको कार्यक्रममा प्रधानमन्त्री ओलीले भने, “नेपाली साँच्चिकै मेहनती र बहादुर छन् भन्ने प्रमाणित गर्न आवश्यक छ ।”

उनले भने, “कुरा काट्न र कुरा पिट्न जान्ने सबैलाई एक महिना गाउँगाउँमा गएर पुनःनिर्माणमा लाग्न आह्वान गर्छु । सबै दलले कहिलेदेखि कति कार्यकर्ता खटाउने त्यसका हामी प्रतिस्पर्धा गरौँ, नेपाल जुरुक्कै उठ्न सक्छ ।” रासस

प्रतिकृया दिनुहोस