यामाहा मोटरसाइकलको आधिकारिक विक्रेता मोरङ अटो वक्र्स (एमएडब्लु)ले मिस नेपाल २०१६ उपाधी विजेता अस्मी श्रेष्ठलाई यामाहा फेसिनो स्कुटर प्रदान गरेको छ । त्रिपुरेश्वरस्थित यामाहा शोरुममा १५ बैशाखमा मिस नेपाल ब्युटी पेजेन्ट आयोजक द हिडेन ट्रेजरका अध्यक्ष गोपाल सुन्दर लाल कक्षपति समेत उपस्थित कार्यक्रममा एमएडब्लुका प्रबन्ध निर्देशक विष्णु अग्रवालले मिस नेपाल श्रेष्ठलाई स्कुटर प्रदान गरेका हुन ।

गत महिना आयोजित मिस नेपाल २०१६ मा यामाहाले ‘टाइटल स्पोन्सर’ तथा ‘टु ह्विलर’ पार्टनरको भूमिका निभाएको थियो । यामाहाले यसअघि घोषणा गरे अनुसार मिस नेपाल श्रेष्ठलाई फेसिनो स्कुटर प्रदान गरेको हो ।

यस्तै ‘यामाहा फेस अफ फेसिनो’ विजेता आस्मा केसीलाई पनि प्रबन्ध निर्देशक अग्रवालले फेसिनो प्रदान गरे । मिस नेपालका १९ जना प्रतियोगीमध्येबाट आस्मा ‘यामाहा फेस अफ फेसिनो’ उपाधीका लागि चुनिनु भएकी हुन । उनी फेसबुक र शोरुम भोटिङ तथा प्रतियोगिताका निर्णायकबाट छानिएकी हुन ।

त्यसैगरी एमएडब्लुले संचालन गरेको ‘यामाहा फेस अफ फेसिनो’ कन्टेस्टमा सहभागी भएका भाग्यमानी भोटर त्रिविक्रम पाण्डेलाई पनि नयाँ यामाहा फेसिनो हस्तान्तरण गरिएको छ । एमएडब्लुले स्टाइलिस स्कुटर फेसिनो नेपाली बजारमा ल्याएको केही समयपछि नै मिस नेपाल ब्युटी प्याजेन्ट आयोजना भएको थियो ।

/>

प्रतिकृया दिनुहोस