सर्वोच्च अदालतले पत्रकार कनकमणि दीक्षितलाई पक्राउ गर्नुको कारणबारे अख्तियार दुरुपयोग अनुसन्धान आयोगसँग लिखित जवाफ माग गरेको छ ।

सर्वोच्चले दीक्षितलाई समेत सोमबार, २० वैशाखमा अदालतमा उपस्थित गराउन र उनलाई पक्राउ गर्नुको कारणबारे लिखित जवाफ दिन विपक्षी अख्तियार दुरुपयोग अनुसन्धान आयोगका नाममा आदेश दिएको हो ।

दीक्षितलाई अख्तियार दुरुपयोग अनुसन्धान आयोगले गैरकानूनी रुपमा थुनामा राखेको भन्दै उनकी पत्नी शान्ता दीक्षितले सर्वोच्च अदालतमा हिजो, १५ वैशाखमा वन्दी प्रत्यक्षिकरणको रिट निवेदन दिएकी थिइन् ।

निवेदनमाथि सुनुवाई गर्दै प्रधानन्यायाधीश सुशीला कार्कीको इजलासले उक्त आदेश दिएको हो ।

दीक्षितलाई १० वैशाखमा अख्तियारले नियन्त्रणमा लिएको थियो ।

प्रतिकृया दिनुहोस