पत्रकार तथा गीतकार सूर्यकुमार क्षेत्रीको निधन भएको छ । क्षेत्रीको काठमाडौं माइतीघरस्थित न्यूरो अस्पतालमा १६ बैशाख साँझ सवा नौ बजे निधन भएको हो ।

क्षेत्रीको २०७१ साल मंसिरदेखि व्रेन ट्युमरको उपचार चलीरहेको थियो । स्याङ्जा स्थायी घर भएका उनी नेपालीकला डटकमका सम्पादक थिए । क्षेत्रीको श्रीमती र एक नावालक छोरा छन।

नेपाल प्रेस युनियनको सचिव समेत रहेका क्षेत्रीको बुबा आमा स्याङजाबाट आउनु भएपछि १७ बैशाखमा अन्त्येष्टि गरिने युनियनका महासचिव अजयबाबु शिवाकोटीले हिमालखबरलाई जानकारी दिए ।

यसैबीच युनियनले प्रेस विज्ञप्ति जारी गरेर क्षेत्रीप्रति श्रदाञ्जली व्यक्त गरेको छ ।

प्रतिकृया दिनुहोस