तस्वीर: लक्ष्मी गौतम

पाँचथरका प्रमुख जिल्ला अधिकारी र प्रहरी नायव उपरीक्षक सहितको टोली चढेको गाडी दुर्घट्ना भएको छ ।

सीमा प्रहरी चौकी, च्याङथापुको भवन शिलान्यास गरेर फर्कदै गर्दा जिल्ला प्रशासन कार्यालय पाँचथरको मे १ झ ६५ नम्वरको गाडी पाँचथरको भारपा ८ टाहारी नजिकै १६ वैशाख अपरान्ह दुर्घट्नामा परेको हो ।

दुर्घट्नामा पाँचथरका प्रजिअ पुरुषोत्तम घिमिरे र प्रहरी नायव उपरीक्षक कृष्णप्रसाद कोइराला सहित ७ जना घाइते भएका छन् ।

घाइतेमध्ये सुरक्षा गार्ड नवराज वञ्जाराको अवस्था गम्भीर छ ।

दुर्घट्नामा प्रजिअ घिमिरे र प्रनाउ कोइराला सहित सवार रहेका नेपाल टेलिभिजनका पत्रकार सुजन तिम्सिना र कारोवार दैनिकका भिमकुमार वास्कोटा सामान्य घाइते छन ।

उनीहरुको पाँचथर जिल्ला अस्पतालमा उपचार भइरहेको छ ।

तिव्र गतिमा रहेको गाडी व्रेकफेल हुँदा दुर्घट्ना भएको प्रहरीले जनाएको छ । गाडी गुडिरहेको सडक भन्दा माथि डिलमा ठोक्किएर पल्टिएको अवस्थामा छ ।
लक्ष्मी गौतम, पाँचथर

प्रतिकृया दिनुहोस