वीरगन्जस्थित हिमालयन बैंकबाट सेवाग्राहीको रकम लुटेर फरार भएका दुइ जना भारतीय युवकलाइ प्रहरीले पक्राउ गरेको छ ।

महावीरस्थान नजिकै रहेको हिमालयन बैंक, शाखा कार्यालयमा रकम जम्मा गर्न गएका बारा कलैयाका वीरेन्द्र प्रसाद यादवको रु ५० हजार लुटेर फरार भएका भारतको मुजफ्फपुरका १७ वर्षीय नेहालकुमार कुर्मी र २१ वर्षीय सोनुकुमार कुर्मीलाइ प्रहरीले गहवामाइ मन्दिर पछाडिबाट लुटिएको रकम सहित पक्रेको हो ।

२१ वैशाख दिउँसो दुइ बजे बैंकमा रकम जम्मा गर्न गएका यादवले काउन्टरमा रुपैयाँ राखेर भौचरमा हस्ताक्षर गर्ने क्रममा ती दुवै भारतीय युवकले रकम लिएर फरार भएका थिए ।

रकम लुटेर भाग्दै गरेका उनीहरुलाइ यादवले लखेटदै जादा गहवामाइ मन्दिर पछाडिबाट प्रहरीले दुवै लुटेरालाई पक्राउ गरेको प्रहरी नायव उपरीक्षक होविन्द्र बोगटीले जानकारी दिए ।
सुरेश बिडारी, वीरगञ्ज

प्रतिकृया दिनुहोस