समाचारशुक्रबार, बैशाख २४, २०७३

राष्ट्रपतिको भारत भ्रमण रद्द

हिमालखबर

नवनिर्वाचित राष्ट्रपति विद्यादेवी भण्डारी राष्ट्रपति भवन शीतलनिवासमा शपथ र पद बहालीपछि निवर्तमान राष्ट्रपति डा. रामवरण यादवको बिदाइ समारोहमा सरिक हुन जाँदै। तस्वीर: बिक्रम राई

२७ वैशाखदेखि हुने भनिएको राष्ट्रपति विद्यादेवी भण्डारीको भारत भ्रमण नहुने भएको छ ।

राष्ट्रपतिको भारत भ्रमणलाई मन्त्रिपरिषदको बैठकले स्वीकृत नगरेका कारण उनको भ्रमण नहुने भएको हो ।

पछिल्लो समय भएको राजनीतिक घटनाक्रमले गर्दा उनको भ्रमण हुन नसकेको बुझिएको छ ।

परराष्ट्र मन्त्रालयले पनि नयाँ दिल्लीस्थित नेपाली राजदूतावासलाई  राष्ट्रपतिको भ्रमण रद्द भएको जानकारी गराइसकेको  छ ।

मन्त्रिपरिषदले समयमै निर्णय नगरेकाले भ्रमण रद्द भएको राष्ट्रपतिका प्रमुख स्वकीय सचिव भेषराज अधिकारीले बताएका छन् ।

यसअघि राष्ट्रपति भण्डारी आफैले सञ्चारकर्मीलाई आफू भारतको सद्भावना भ्रमणमा जान लागेको जानकारी दिएकी थिइन् ।

 

 

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...
हिमालखबर जनमतको अन्तिम नतीजा साप्ताहिक खबरपत्रिका हिमाल को आगामी अंकमा प्रकाशित गरिनेछ ।*/?>