समाचारआइतबार, बैशाख २६, २०७३

एनसेलले बुझायो ९ अर्ब ९६ करोड ९५ लाख

हिमालखबर

मोबाइल फोन सेवा प्रदायक कम्पनी एनसेलले सरकारलाई रु नौं अर्ब ९६ करोड ९५ लाख कर बुझाएको छ ।

एनसेलले २६ वैशाख अपरान्ह ठूला करदाताको कार्यालयमा उक्त रकम बुझाएको हो । उसले बाँकी रकम कर निर्धारण भएपछि कार्यालयलाई बुझाउने जनाएको छ ।

“एनसेलले नौ अर्ब ९६ करोड ९५ लाख रुपैयाँ बुझाएको छ,” ठूला करदाता कार्यालयका एक उच्च अधिकारीले भने, “आफ्नो कारोबारको विवरण उपलब्ध गराएको छ । ती विवरण अध्ययनपछि कर निर्धारण हुन्छ । त्यहि आधारमा एनसेलले बाँकी रकम बुझाउँछु भनेको छ ।”