लक्ष्मी ब्याङ्कले डडेलधुराको अमरगडीमा शाखा विस्तार गरेको छ । ब्याङ्कको यो ५० औं शाखा हो । ग्राहकहरुलाई उनीहरुकै रोजाईको माध्यम अर्थात शाखा कार्यालय, इन्टरनेट ब्याङ्किङ र मोवाईल फोन मार्फत ब्याकिङ सेवा प्रदान गर्न शहरी तथा अर्ध शहरी क्षेत्रमा शाखा विस्तार गरिएको ब्याङ्कले जनाएको छ ।

सुविधाजनक नयाँ निक्षेप योजनाहरु र विभिन्न आवधिक तथा बचत निक्षेप सेवाहरुका साथसाथै व्यक्तिगत तथा साना व्यवसाय कर्जा सेवाहरु प्रदान गरी व्यक्तीगत तथा साना व्यवसाय बैंकिङ्ग सेवाको दायरालई फराकिलो पार्दै जाने लक्ष्य रहेको ब्याङ्कद्वारा जारी विज्ञप्तिमा उल्लेख छ ।

विशेष गरी साना व्यवसाय कर्जा र व्यवसायिक कृषि क्षेत्रमा बैंकले आफ्नो ध्यान केन्द्रित गरेको छ । जस अनुरुप देशका विभिन्न क्षेत्रका साना तथा लघु उद्यमी तथा कृषकहरुलाई सरल रुपमा कर्जा प्रवाह गर्नुका साथै वित्तीय सेवा तथा सल्लाह प्रदान गरी उनीहरुको व्यवसाय प्रवद्र्धन तथा वित्तीय व्यवस्थापन कार्यमा ठूलो मद्दत पु¥याएको लक्ष्मी ब्याङ्कको दाबी छ ।

प्रतिकृया दिनुहोस