संविधानप्रति असन्तुष्टि जनाउँदै आन्दोलनरत मधेसी मोर्चासहितको संयुक्त गठबन्धनले काठमाडौं केन्द्रीत आन्दोलन गर्ने भएको छ ।

६ महीना लामो मधेस आन्दोलनपछि गत २५ माघदेखि स्थगित आन्दोलनलाई निर्णायक बनाउन काठमाडौं केन्द्रीत आन्दोलन गर्ने गठबन्धनले जनाएको छ । गठबन्धनले आन्दोलनको तालिका सार्वजनिक गर्न संघीय समाजवादी फोरम नेपालको कार्यालयमा दिउँसो पत्रकार सम्मेलन राखेको छ ।

सद्भावना पार्टीका महासचिव मनिस सुमनका अनुसार काठमाडौं केन्द्रीत आन्दोलन २ जेठबाट शुरु हुने भएको छ । मधेस केन्द्रीत दलहरुसहित जातीय तथा क्षेत्रीय दल र जातीय संस्थाहरुले संविधानप्रति असन्तुष्टि जनाउँदै संयुक्त गठबन्धन बनाएको छ ।

प्रतिकृया दिनुहोस