मोवाइल सेवा प्रदायक कम्पनी एनसेलले ईन्जिनियरिङ्ग अध्ययन संस्थान, केन्द्रिय क्याम्पस पुल्चोकमा अध्ययनरत १६ विद्यार्थीलाई छात्रवृत्ति र पुरस्कार प्रदान गरेको छ । ईलेक्ट्रिकल, ईलेक्ट्रोनिक्स् तथा कम्युनिकेसन र कम्प्युटर ईन्जिनियरिङ्ग संकायअन्र्तगत स्नातक तहका उत्कृष्ट विद्यार्थीलाई प्रोत्साहित गर्न पुरस्कृत गरिएको एनसेलले जनाएको छ ।

राजधानीमा ३१ बैशाखमा आयोजित कार्यक्रममा एनसेलका प्रबन्ध निर्देशक साइमन पर्किन्स्ले तीन संकायका १२ विद्यार्थीलाई एनसेल छात्रवृत्ति प्रदान गरे । यस्तै चार विधाअन्तर्गत एनसेल उत्कृष्टता सम्मान पनि प्रदान गरिएको हो ।

एनसेल छात्रवृत्रि पाउनेहरुमा मनोजकुमार शाह, सेलिना श्रेष्ठ, सत्यार्थ उपाध्याय, प्रकृति डमरु, विवेक पन्त, सतीश पन्त, वृहतरत्न बज्र्राचार्य, हिमाली अर्याल, रामप्रसाद ज्ञवाली, प्रतीक भण्डारी, प्रवेश पाठक र डिग्या आचार्य छन् । यस्तै असीम चौलागाई, प्रदीप बज्राचार्य, मनीसकुमार शर्मा र अलिता श्रेष्ठलाई एनसेल उत्कृष्ट अवार्ड प्रदान गरिएको हो ।
प्रत्येक छात्रवृत्ति तथा उत्कृष्टता पुरस्कारको राशि एक लाख रुपैयाँ रहेको एनसेलले जनाएको छ ।

प्रतिकृया दिनुहोस