समाचारआइतबार, जेठ २, २०७३

लुम्बिनीको शान्तिदीप सगरमाथा आधार शिविर पुर्‍याइने

हिमालखबर

lumbiniबुद्धको जन्मस्थल लुम्बिनीमा रहेको अखण्ड शान्तिदीप सगरमाथाको आधार शिविर पुर्‍याइने भएको छ ।

नेपालका ओलम्पियन धावक वैकुण्ठ मानन्धर, खड्ग रानाभाट, कृष्ण बस्नेत, तीन पटकका एभरेष्ट म्याराथन विजेता दीपक राईसहित अन्य खेलाडी शान्तिको ज्योति लिएर लुम्बिनीबाट आज त्यसतर्फ प्रस्थान गरेका छन् ।

धावकहरु लुम्बिनीबाट तिलौराकोट, स्वयम्भु, बौद्धनाथको परिक्रमा गर्दै सोलु पुग्ने कार्यक्रम छ । उनीहरु आज ज्योति लिएर कपिलवस्तु हँदै काठमाडौँतर्फ लागेका छन् ।

बुद्धको जन्मस्थल लुम्बिनीको शान्तिदीपबाट लगिएको ज्योति धावकहरुले सोलु पुर्‍याएपछि सोलु गुम्बा परिक्रमा गर्दै सगरमाथा आधार शिविरसम्म लैजानेछन्ज्यो ।

गत वर्षको भूकम्प र नाकाबन्दीबाट खस्किएको पर्यटन पुनःजीवित गराउन यस्तो कार्यक्रम आयोजना गरिएको आयोजक नेपाल पर्यटन प्रतिष्ठान, बुद्धिष्ट सर्किट डट कम र तेन्जिङ हिलारी एभरेष्ट म्याराथनले जनाएका छन् ।
रासस

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...