खेलकुदबिहीबार, मंसिर २१, २०६९
मनाङ फेरी रोकियो
राजधानीस्थित दशरथ रंगशालामा २१ मंसिरमा भएको खेलमा दुबै टीमले गोल गर्न सकेनन् । दुई बराबरी र दुई जित निकालेको मनाङले चार खेलबाट आठ अंक जोडेको छ । बराबरीमा रोकिएपछि दश अंक सहित शीर्षस्थानमा रहेको मछिन्द्रलाई उछिन्ने मनाङको सपना पुरा भएन । ५ मंसिरमा भएको पहिलो खेलमा मनाङ संकटा क्लबसँग बराबरी खेलेको थियो । पुछारबाट तेस्रो स्थानमा रहेको फ्रेन्डस्को दुई अंक छ ।
आजै भएको अर्को खेलमा नेपाल आर्मीले जावलाखेल युथ क्लबलाई ३–१ गोल अन्तरले पराजित गरेको छ । आर्मीका लागि दीप लामाले आठौं र भरत खवासले ३० र ४२ औं मिनेटमा गोल गरे । जावलाखेलका लागि ८९ औं मिनेटमा सुशील शाहले सान्त्वना गोल गरेका थिए ।
जितसँगै आर्मीको सात अंक भएको छ भने जावलाखेलको ६ अंक छ ।
प्रतिकृया दिनुहोस
ताजा अपडेट
हिमालखबर जनमत
