बर्दिया राष्ट्रिय निकुञ्जको खाता जैविक मार्ग क्षेत्रमा पर्ने सुर्यपटुवा–४ डल्ला गाउँ होमस्टे नैपालकै उत्कृष्ट घोषणा भएको छ ।

संस्कृति, पर्यटन तथा नागरिक उड्डयन मन्त्रालय, तारागाउँ विकास समितिले बर्दियाको जैविक मार्ग डल्ला सामुदायिक होमस्टेलाई उत्कृष्ट घोषणा गरेको हो ।

तेस्रो होमस्टे (घरवास) राष्ट्रिय कार्यशाला गोष्ठीमा तारागाउँ विकास समितिले उक्त होमस्टेलाई नेपालकै उत्कृष्ट घोषणा गर्दै एक लाख एक हजार रुपैँया प्रदान गरेको छ ।

होमस्टेमा आवासको व्यवस्था, खानपिन, स्थानीय परिकार, स्थानीय कला संस्कृति सरसफाइ, अतिथि सत्कार, होमस्टेमा आगन्तुकको पहुँच लगायतका सुविधाका आधारमा उत्कृष्ट घोषणा गरिएको समितिले जनाएको छ ।

२०६७ सालमा स्थापना भएको जैविक मार्ग अन्तर्गतको डल्ला गाउँमा २२ वटा होमस्टे घर छन् ।

वर्षेनी करिव १२ हजार भन्दा बढी आन्तरिक तथा वाह्य पर्यटक आउने गरेको होमस्टे व्यवस्थापन समितिका अध्यक्ष परशुराम थारुले जानकारी दिए ।

डल्ला गाउँ होमस्टेमा थारु समुदायको बाहुल्यता भएकाले होमस्टेमा थारु परीकार र थारु संस्कृतिका विभिन्न नाच प्रस्तुत गरिन्छ ।
भावुक योगी, बर्दिया

प्रतिकृया दिनुहोस