विश्व वातावरण दिवसको अवसरमा बेलायतस्थित नेपाली साहित्यकारहरूले वातावरण विषयक साहित्य सम्मेलन गर्ने भएका छन् ।
२२ जेठ (४ जुन) मा लण्डनको प्लमस्टिडमा सम्मेलन गरिने आयोजक समितिका संयोजक विजय हितानले जानकारी दिए ।

सम्मेलनमा एनआरएन युकेको भाषासाहित्य विभाग, विश्व साहित्य महासङ्घ युके, अन्तरराष्ट्रिय नेपाली साहित्य समाज युके, अन्तरराष्ट्रिय नेपाली वाङ्मय प्रतिष्ठान, नेपाली साहित्य विकास परिषद्, नेपाल मुक्तक प्रतिष्ठान तथा समकालीन साहित्य प्रतिष्ठानको संयुक्त सहभागिता रहने आयोजकले  जानकारी दिएको छ ।

साहित्यमा प्रकृति र वातावरणको सौन्दर्य चर्चा, यसको संरक्षणात्मक र चेतनामूलक प्रयोगको आवश्यकता जस्ता विषयलाई महत्व दिइएको आयोजक मध्येका एक डा.  रुपक श्रेष्ठले बताए ।

प्रतिकृया दिनुहोस