संघीय समाजवादी फोरम नेपालका अध्यक्ष उपेन्द्र यादवले प्रधानमन्त्री केपी शर्मा ओलीले वार्ताको नाममा आन्दोलनरत संघीय मधेशी गठवन्धनलाई तोड्ने षड्यन्त्र गरेको आरोप लगाएका छन् ।

फोरम कपिलवस्तु जिल्ला समितिले तौलिहवामा आयोजना गरेको पार्टी प्रवेश कार्यक्रममा संचारकर्मीहरुसँग कुरा गर्दै नेता यादवले कसैलाई वार्ता त कसैलाई सर्वदलीय बैठक भनी बोलाउने प्रधानमन्त्री ओलीको रणनीति आफूले बुझ्न नसकेको बताए ।

उनले आफूलाई वार्ताका लागि बोलाइएको भन्ने कुरा अखबार पढेर मात्रै थाहा पाएको जिकिर गरे ।

वार्ताका माध्ययमबाट आन्दोलनरत गठवन्धनको माग पूरा गर्ने वा आन्दोलनबाट संविधानको पुनर्लेखनका लागि बल सृजना गर्ने अब दुईवटा मात्रै विकल्प रहेको भन्दै उनले सरकारलाई संवेदनशील हुन आग्रह गरे ।

वार्ताबाट समस्याको समाधान ननिकाल्ने हो भने सडक संघर्षबाटै सत्ता परिवर्तन गरी नयाँ संविधान निर्माणका लागि जन दबाब सृजना गर्ने उनको दाबी छ ।

उनले संविधानको पुनर्लेखन नभई आन्दोलन स्थगित नहुने चेतावनी समेत दिए ।

गोपाल भण्डारी, कपिलवस्तु

प्रतिकृया दिनुहोस