वीरगञ्जका उद्योगी सुरेश केडियाको अपहरण भएको छ । केडियाको बाराको बरियारपुरबाट १३ जेठ साँझ अपहरण भएको अञ्चल प्रहरी कार्यालय वीरगञ्जले जनाएको छ । उनका चालक श्याम कानुलाई गोली लागेको छ । उनी पर्सा बिन्दबासिनीका स्थायी वासिन्दा हुन ।

६० वर्षीय केडीय वीरगञ्ज उद्योग वाणिज्य संघका अध्यक्ष प्रदिप केडियाका भाई हुन । केडिया अर्गनाइजेशनका सदस्य समेत रहेका खाद्य उद्योगका सञ्चालक हुन ।

केडिया आफ्नै गाडीमा वीरगञ्जतर्फ आइरहेका बेला अपहरणकारीले केडियाका चालकलाई गोली हानेर घाइते बनाएपछि अपहरण गरेको प्रहरीले जनाएको छ । केडियालाई अज्ञात ३/४ जनाको समूहले अर्को गाडीमा हालेर भारततर्फ लगेको प्रत्यक्षदर्शीलाई उधृत गर्दै प्रहरी वरीष्ठ उपरक्षिक नारायणसिंह खड्काले जानकारी दिए ।

चालक कानुको वीरगञ्जको नारायणी उपक्षेत्रीय अस्पतालमा उपचार हुन नसकेपछि भरतपुर मेडिकल कलेजमा रेफर गरिएको नारायणी उपक्षेत्रिय अस्पताल प्रहरी बिटका प्रहरी सहायक निरीक्षक हस्त बहादुर तामाङ्ले जानकारी दिए । दायाँ कन्चटमा गोली लागेका कानुको अवस्था गम्भीर रहेको नारायणी उपक्षेत्रियका चिकित्सकहरुले बताएका छन् ।

सुरेश विडारी / जियालाल साह, पर्सा

तस्वीरः जियालाल साह

प्रतिकृया दिनुहोस