पाँच महिनासम्म चलेको मधेश आन्दोलनका क्रममा बालिएको टायरको धुवाले कालो र फोहर बनाएको वीरगञ्जको घण्टाघरको मर्मत र रंगरोगन हुँदैछ ।

वीरगञ्जको चिनारी मानिएको घण्टाघरमा अहिले मर्मत सम्भार, रङ–रोगन र बत्ति जडान गर्ने कार्य भईरहेको छ ।

जेठ मसान्तभित्रै सबै काम सकेर घण्टाघर आकर्षक देखिने वीरगञ्ज उपमहानगरपालिका कार्यालयका सूचना अधिकारी प्रकाश अमात्यले बताए ।

उपभोक्ता समिति मार्फत रु ९ लाखको लागतमा घण्टाघर मर्मतको काम भईरहेको उनले जानकारीदिए ।

गत वर्षको भूकम्पका कारण घण्टाघरको माथिल्लो भागमा प्लाष्टर उप्किएको थियो भने आन्दोलनका बेला बालिएको टायरको धुवाँले भित्ता कालो र फोहर बनाएको थियो ।

घण्टाघर रातमा झिलिमिली देखिने गरि बत्ति जडान गरिएकोे बिजुली मिस्त्री राजेन्द्र पण्डितले बताए । ८ वर्षपछि घण्टाघरको मर्मत हुन लागेको हो ।
सुरेश बिडारी, वीरगञ्ज

प्रतिकृया दिनुहोस