तनहुँको घाँसीकुवा–६ रामथुम्कीस्थित चुनखानी निकाल्न प्रयोग गरिएको दुई एक्साभेटरमा गएराति आगजनी भएको छ ।

दुवै एक्साभेटर जलेर पूर्णरुपमा क्षति भएको जिल्ला प्रहरी कार्यालय तनहुँका असई सुरेश सुवेदीले जानकारी दिए । एक्साभेटरमा कसले र किन आगो लगायो भन्ने खुल्न सकेको छैन ।

असई सुवेदीले भने, “घटनामा संलग्न रहेका व्यक्तिको खोजी कार्यका लागि अनुसन्धान भइरहेको छ ।”

उक्त एक्साभेटर पर्साका ललित सरावगीको रहेको वुझिएको छ । घटनामा संलग्न कसैलाई पनि पक्राउ गर्न नसकिएको र खोजी कार्य तीव्र भइरहेको जिल्ला प्रहरी कार्यालय तनहुँले जनाएको छ ।

घटनास्थल सदरमुकाम दमौलीबाट करिब १३ कलिोमिटर पूर्वमा रहेको भए पनि एकान्त वन र मानव बस्ती पातलो भएका कारण समयमा प्रहरीमा खबर नगरिदिँदा एक्साभेटरको बढी क्षति भएको हो ।
रासस

प्रतिकृया दिनुहोस