राष्ट्रिय फुटवल खेलाडी विमल घर्तीमगरकी बहिनी मनिषा (१७) को हत्या आरोपमा पक्राऊ गरिएका रुद्रनारायण चौधरी ‘आशिष’ को पोलिग्राफ जाँच गरिएको छ ।

पश्चिमाञ्चल क्षेक्षीय प्रहरी कार्यालय पोखराबाट आएको पोलिग्राफ विशेषज्ञ प्रहरी निरिक्षक रामप्रसाद पाण्डेको टोलीले ५ घन्टा लगाएर जाँच गरेको प्रहरीले जनाएको छ ।
एकान्त र फ्रेस कोठा आवश्यक पर्ने भएपछि नवलपरासीको सुनवलस्थित लोटस रिर्साेटमा आशिषलाई पाँच घन्टा लगाएर जाँच गरिएको प्रहरीको भनाई छ ।

विहान ८ बजे सुरु गरिएको पोलिग्राफ जाँच कार्य दिउँसो १ बजे सकिएको थियो । परीक्षण रिर्पाेट प्रहरी प्रधान कार्यालय काठमाण्डौ पठाइएको छ ।

परिक्षणको नतिजा भोलि विहानसम्म सार्वजनिक हुने जिल्ला प्रहरी कार्यालयले जनाएको छ । पोलिग्राफ परीक्षणबाट आरोपी झुटो बोले वा नबोलेको पत्ता लाग्ने गर्दछ ।

-विद्रोही गिरी, नवलपरासी

प्रतिकृया दिनुहोस