जंगलबाट ल्याएको च्याउ खाँदा पाँचथरमा थप २ जनाको मृत्यु भएको छ । यसअघि ५ जनाको मृत्यु भइसकेको छ ।

१० जेठमा च्याउ खाएर विरामी परेकामध्ये पछिल्लो पटक थर्पू–६ का पुष्पलता मावो र फिदिम ३ जैसीडाँडाका बसन्त राई छन् ।

राईको फिदिम–३ स्थित घरैमा र मावोको धरानस्थित बीपी कोइराला स्वास्थ विज्ञान प्रतिष्ठानमा मृत्यु भएको हो ।

यसअघि थर्पु र आङनाका ५ जनाको सोही दिन च्याउ खाएपछि मृत्यु भइसकेको छ ।

उक्त च्याउ खाएर विरामी परेका फिदिम–३ का निशेष राईको अवस्था चिन्ताजनक रहेको छ । राईको पाँचथर अस्पतालमा उपचार सम्भव नभएपछि धरान लगिएको छ । अन्य ८ जना विरामीको पनि धरानमा उपचार भइरहेको छ ।
लक्ष्मी गौतम, पाँचथर

प्रतिकृया दिनुहोस