प्रतियोगिताको उदघाटन गर्दै कोहलपुर नगरविकास समिति अध्यक्ष लक्ष्मणराज पौडेल

मध्यपश्चिम क्रिकेट क्लबको आयोजनामा १७ बर्ष मुनिको टि–२० क्रिकेट लिग २१ जेठदेखि कोहलपुरमा शुरु भएको छ ।

प्रतियोगितामा विभिन्न जिल्लाका ६ वटा टिमले सहभागिता जनाएका छन् ।

प्रतियोगिताको उद्घाटन खेलमा माछागढ क्रिकेट क्लब बर्दियाले जाजरकोट क्रिकेट क्लबलाई हराएको छ ।

टस हारेर पहिले ब्याटिङ्गको निम्तो पाएको माछागढले जाजरकोट क्रिकेट क्लबलाई ११ रनले पछि पार्दै विजयी भएको हो ।

माछागढले १३.२ ओभरमा सबै विकेट गुमाई ७५ रन बनाउन सफल भएको थियो । यस्तै जाजरकोटले भने १४.५ ओभर खेल्दै सबै विकेट गुमाई ६४ रनमै सीमित हुन पुग्यो ।

प्रतियोगितामा विजयी हुने टिमले रु ५१ हजार र उपविजेताले रु २१ हजार पुरस्कार प्राप्त गर्ने आयोजकले जनाएको छ ।
केशव राना,बाँके

प्रतिकृया दिनुहोस