अन्तर्राष्ट्रिय क्रिकेट परिषद (आइसीसी) ले नेपाली राष्ट्रिय क्रिकेट टोलीलाई नेदरल्याण्ड्स भ्रमणको तयारी थाल्न पत्र पठाएको छ ।

आइसीसीले विश्व क्रिकेट लिग च्याम्पियनपसिप अन्तर्गत नेदरल्याण्डसँग हुने खेलका लागि आइसीसीका तर्फबाट स्थानीय स्तरमा समन्वयको जिम्मा निलम्बित क्यानकी कार्यकारी अधिकृत भावना घिमिरेलाई तोकेको छ ।

त्यसैगरी खेलाडी छनोटको जिम्मा प्रशिक्षक जगत टमटा र कप्तान पारस खड्कालाई दिएको छ भने छनोटमा आइसीसीका एशिया डेभलपमेन्ट अफिसर राजु बैंकटपति (भारतका पूर्व खेलाडी) सल्लाहकारको भूमिकामा रहनेछन् ।

यसअघि काठमाडौंमा भएको नामिबियासँगको खेलमा पनि आईसीसीले यही प्रक्रिया अपनाएको थियो ।

विश्व क्रिकेट लिग च्याम्पियनपसिप अन्तरगत नेपालले २९ र ३१ साउनमा नेदरल्याण्डसँग उसकै घरेलु मैदानमा खेल्नेछ।

प्रतिकृया दिनुहोस