महोत्तरीको पोखरभिन्डा गाविसबाट सशस्त्र प्रहरीले पेस्तोल र गोलीसहित सातजनालाई पक्राउ गरेको छ ।

२८ जेठ साँझ पक्राउ परेकाहरु ६ जना भारतीय र एकजना नेपाली रहेको सशस्त्र प्रहरी बल सीमा सुरक्षा कार्यालय महोत्तरीका प्रहरी उपरीक्षक सुन्दर खड्काले जानकारी दिए ।

पक्राउ पर्नेमा महोत्तरीको गौशाला–१ का अमनकुमार साह, भारत बिहारको सितामढीका राजकुमार राम, भतौलियाका हीराकुमार महतो, सिर्सियाका रामबली कुमार, दिनेशकुमार महतो, रञ्जितकुमार सुडी, अजितकुमार महतो छन् ।

उनीहरुलाई पोखरभिन्डा बजारबाट पक्राउ गरिएको हो । उनीहरुको साथबाट प्रहरीले एकथान पेस्तोल, गोली तीन राउन्ड र एकथान म्याग्जिन बरामद गरेको छ ।
रासस

प्रतिकृया दिनुहोस