तस्वीर: उपप्रधानमन्त्री कमल थापाको ट्वीटरबाट

भारत भ्रमणमा रहेका उपप्रधानमन्त्री तथा परराष्ट्रमन्त्री कमल थापा र भारतीय विदेश मन्त्री सुष्मा स्वराजबीच भेटवार्ता भएको छ।

आज, २८ जेठ साँझ स्वराजसँगको भेटवार्तापछि मन्त्री थापाले भेटवार्ता उपयोगी र रचनात्मक भएको सामाजिक सञ्जालमार्फत जनाएका छन् भने भारतीय विदेश मन्त्रालयका प्रवक्ता विकास स्वरुपले थापा–स्वराजबीचको वार्तालाई नेपाल र भारतबीच सम्बन्धको निरन्तरता भनेका छन्।

थापा दक्षिण एसियाली विश्वविद्यालयको प्रथम दीक्षान्त समारोहमा भाग लिन आजै भारतको नयाँदिल्ली गएका हुन् । भारतमा रहँदा थापाले आफ्ना समकक्षी सुष्मा स्वराजसहित केही उच्च पदस्थ सरकारी अधिकारी र राजनीतिक नेतृत्वसँग पनि भेटवार्ता गर्ने कार्यक्रम छ ।

नयाँदिल्ली प्रस्थानअघि त्रिभुवन अन्तर्राष्ट्रिय विमानस्थालमा उनले भनेका थिए, “दुई दिने भारत बसाइमा भारतको नेतृत्व तह र पदाधिकारीहरुसँग दुई देशबीचको सम्बन्ध थप सुदृढ गर्ने विषयमा विचारको आदानप्रदान हुनेछ ।”

प्रतिकृया दिनुहोस