नेत्रविक्रम चन्द नेतृत्वको नेकपा माओवादीले लमजुङस्थित एनसेलको टावरमा आक्रमण गरी ध्वस्त बनाएको छ ।

लमजुङको हिलेटक्सार गाविस माझगाउँमा रहेको टावरमा माओवादीका कार्यकर्ताले आक्रमण गरेका थिए । उनीहरुले टावरमा जडान गरिएका तार, बक्स, मिटरलगायतध्वस्त बनाएको बताइएको छ ।

प्रत्यक्षदर्शीका अनुसार तारबारले घेरिएको टावरमा जाँदा तार काटेको, टावरको सामाग्री रहेको ठाउँमा ताला फोरेको र जेनेरेटर समेत जलाइदिएको छ ।

माओवादी लमजुङका सेक्रेटरी अविरल न्यौपानेले पार्टीको केन्द्रीय नीति अनुरुप टावरमा आक्रमण गरेको जनाए ।

–युवराज श्रेष्ठ, लमजुङ

प्रतिकृया दिनुहोस