पर्सामा गए राति गाँजा तस्कर र प्रहरीबीच गोली हानाहान भएको छ ।

पर्सा वन्यजन्तु आरक्षको जङ्गलहुँदै आएको शंकरसरैया गाविसमा पर्ने भलुयाही खोलाको बगरमा गाँजा तस्कर र प्रहरीबीच गोली हानाहान भएको जिल्ला प्रहरी कार्यालय पर्साका प्रहरी नायब उपरीक्षक होविन्द्र बोगटीले जनकारी दिए ।

गाँजा तस्करहरुले भारतर्फ गाँजा तस्करी गरिरहेको सूचना पाएपछि ३० जेठ राति पौने १२ बजे ईलाका प्रहरी कार्यालय पटेर्वा सुगौलीबाट खटिएको ९ जना प्रहरीको टोलिमाथि तस्करहरुले आक्रमण गरेपछि आत्मरक्षाका लागि प्रहरीले २ राउण्ड फायर गरेको बोगटीले बताए ।

प्रहरीका अनुसार जवाफी कार्वाही गरेपछि करिब १० जनाको समूहमा रहेका तस्करहरु गाँजा त्यहीं छोडेर फरार भएको प्रहरीले जनाएको छ ।

मध्यरातमा अँध्यारो भएकाले पक्राउ गर्न नसकिएको तर, उनीहरुबाट करिब एक क्वीन्टल बराबरको १० पोका गाँजा बरामद भएको प्रहरीले जनाएको छ ।
जियालाल साह, वीरगञ्ज

प्रतिकृया दिनुहोस