वन्यजन्तुका लागि खाने पानीको अभाव हुन थालेपछि बाँके राष्ट्रिय निकुञ्जभित्र ‘सोलार वाटर पम्प’ जडान गरिएको छ ।

विशेषगरी पाटेबाघका लागि पानीको अभाव हुन नदिन सूर्यको प्रकाशबाट चल्ने पम्प जडान गरिएको निकुञ्जका निमित्त प्रमुख संरक्षण अधिकृत लालबहादुर भण्डारीले बताए ।

करिब ३ लाखको लागतमा निकुञ्जले गिद्देनीचौर घाँसे मैदानमा पम्प जडान गरेको हो । यो योजना सफल भएमा अन्य ५ वटा घाँसे मैदानमा पनि यस्तै पम्प जोडिने छ ।

गिद्देनीचौरमा पानीको अभाव भएको र पाटेबाघको वासस्थान पनि भएकाले भूमिगत पानी निकाल्न पम्प जडान गरिएको निमित्त प्रमुख संरक्षण अधिकृत भण्डारीले बताए ।

“यो निकुञ्ज सुख्खा क्षेत्र भएकाले पानीको अभाव छ,” उनले भने “बाघलाई पानीको अभाव नहोस् भनेर सोलार वाटर पम्प जडान गरेका हौं ।’”
केशव राना, बाँके

प्रतिकृया दिनुहोस