व्यवस्थापिका–संसदले आज, १ असारमा न्याय क्षेत्रका विभिन्न तीन विधेयकलाई सैद्धान्तिक छलफल गरी स्वीकृत गरेको छ ।

कानून, न्याय तथा संसदीय मामिलामन्त्री अग्निप्रसाद खरेलले प्रस्तुत गरेको “केही नेपाल कानुनलाई संशोधन, एकीकरण, समायोजन र खारेज गर्ने विधेयक, २०७१” लाई सर्वसम्मतिले स्वीकृत गरेको हो ।

त्यस्तै, सदनमा आजै कानूनमन्त्री खरेलले प्रस्तुत गरेका “सर्वोच्च अदालत (पहिलो संशोधन) विधेयक, २०७३” र “न्यायसेवा आयोग विधेयक, २०७३” पनि बहुमतले स्वीकृत भएको छ ।

विधेयकमाथिको सैद्धान्तिक छलफलका क्रममा कानूनमन्त्री खरेलले बैठकमा उठेका प्रश्नको जवाफ दिएपछि ध्वनि मतका आधारमा उक्त विधयेकहरु स्वीकृत भएका हुन ।

संसद् दुई घन्टाका लागि स्थगित
विधेयक पारित भइसकेपछि व्यवस्थापिका–संसदको आजको बैठक दुई घन्टाका लागि स्थगित भएको छ ।

सभामुख ओनसरी घर्तीले संसद् नियमावली मस्यौदा समितिको प्रतिवेदनमाथिको दफावार छलफल गर्न र पारित गर्न सहमतिका लागि अन्तिम पटक माग भएकाले बैठकको दैनिक कार्यसूचीबाट उक्त विषय हटाई दुई घन्टाका लागि बैठक स्थगित गरिएको जानकारी गराइन् ।
रासस

प्रतिकृया दिनुहोस