तस्वीर: हिमाल अर्काइभ

हिमालयन टाइगर प्रोफेस्नल रेस्लिङ एसोसिएसनले ४ असारमा मनोरञ्जनात्मक रेस्लिङ कार्यक्रम गर्ने भएको छ ।

नेपालमा रेस्लिङ खेललाई व्यावसायिक रुपमा प्रवर्द्धन गर्ने उद्देश्यका साथ काठमाडौं कालीमाटीको तरकारी तथा फलफूल बजारभित्र खेल हुन लागेको हो ।

एसोसिएसनका अध्यक्ष भरतबहादुर विसुरालले नेपालमा रेस्लिङको राम्रो सम्भावना भए पनि खेलाडी उत्पादन हुन नसकेकामा चिन्ता व्यक्त गर्दै यस खेलको विकासका लागि उक्त कार्यक्रम गर्न लागिएको जानकारी दिए ।

कालीमाटी फलफूल तथा तरकारी बजार विकास समिति, व्यवसायी तथा कालीमाटी तरकारी बजार युवा क्लबको सहयोगमा शनिबार साँझ ४ बजे हुने उक्त कार्यक्रममा नौ जना नेपाली खेलाडी प्रतिस्पर्धामा सहभागी हुनेछन् ।

एसोसिएसनका अध्यक्ष विसुराल अन्तर्राष्ट्रिय तहका रेस्लर हुन । उनले २०६० सालदेखि स्वदेश तथा विदेशमा प्रशिक्षणसमेत दिँदै आएका छन् ।
रासस

प्रतिकृया दिनुहोस