लमजुङ सदरमुकाम बेसीशहरमा आज ३ असारदेखि परम्परागत खाद्द मला शुरु भएको छ । दुई दिनसम्म चल्ने मेलामा स्थानीय अर्गानिक उत्पादनका विभिन्न परिकारका स्टलहरु राखिएका छन् ।

पश्चिमाञ्चल क्षेत्रिय खाद्य प्रविधि तथा गुण नियन्त्रण कार्यालय भैरहवाको आयोजना तथा लमजुङ उद्योग वाणिज्य संघको सहआयोजनामा भएको मेलामा पश्चिमाञ्चलका विभिन्न जिल्लामा उत्पादन हुने स्थानीय उत्पादनका स्टल राखिएका छन् ।

परम्परागत स्थानीय पोषिला खाद्य पदार्थको प्रवर्द्धन, पौष्टिक आहारका लागी खानेबानीमा परिवर्तन भन्ने नाराका साथ आयोजित खाद्य मेलाले स्थानीय खाद्यान्नको प्रवद्र्धन तथा विविधिकरणमा टेवा पुर्‍याउने बरिष्ठ खाद्द नियन्त्रक किशोर खत्रीले बताए ।

पछिल्लो समय जिल्लामा आउने आन्तरिक तथा बाह्य पर्यटकले समेत स्थानीय उत्पादन खान खोज्ने भएकाले स्थानीय उत्पादनको प्रवद्र्धन आवश्यक रहेको लमजुङ उद्योग वाणिज्य संघका अध्यक्ष रामकुमार श्रेष्ठले बताए ।

महोत्सवमा कोदो, उवा, मह, गहुँ, चामलका परिकार साथै स्थानीय माछा लगायतका परिकार राखिएको छ ।

मेलाको उद्घाटन गर्दै कृषिमन्त्री हरिबोल गजुरेलले परम्परागत रुपमा प्रयोग गरिँदै आएको बिउ जोगाउन र स्थानीय उत्पादनको महत्व बुझाउन मेलाले टेवा पुर्‍याउने बताए ।
शब्द/तस्वीर: युवराज श्रेष्ठ, लमजुङ

प्रतिकृया दिनुहोस