डा.गोबिन्द केसीले अख्तियार दुरुपयोग अनुसन्धान आयोग(अदुअआ)का प्रमुख आयुक्त लोकमानसिंह कार्कीलाई महाअभियोग लगाउनुपर्नेसहित चार बुँदे माग राख्दै पुनः आन्दोलनको घोषणा गरेका छन् ।

काठमाडौं विश्वविद्यालयको प्रवेश परीक्षामा हस्तक्षेप गर्न लगाएका अदुअआका प्रमुख आयुक्त कार्कीलाई तत्काल संसद्ले महाअभियोगलगाउनुपर्ने उनले माग राखेका छन् ।

त्रिभि शिक्षण अस्पतालमा पत्रकार सम्मेलन गर्दै डा.केसीले कार्कीसँगै सम्बन्धीत आयुक्तहरुलाई समेत कार्बाही प्रक्रिया अघि बढाउन माग राखेका छन् ।

उनले २६ असारभित्र आफ्नो माग पूरा नभए अनशन शुरु गर्ने चेतावनी सरकारलाई दिएका छन् । डा.केसी मेडिकल माफियाकरण विरुद्ध लामो समयदेखि आन्दोलनरत छन् ।

प्रतिकृया दिनुहोस