बच्चु विक, महेन्द्रनगर

भारतको पञ्जाबमा रहेको पटियालास्थित नेसनल ईन्स्टिच्यूट अफ स्पोर्टस (एनआईसी) मा तालिमका लागि राष्ट्रिय खेलकुद परिषद्ले पठाएका खेलाडी महेन्द्रनगरबाटै फिर्ता भएका छन् ।

एनआईसीले ५ जनालाई मात्रै स्वीकृती दिएपछि बाँकी प्रशिक्षक, खेलाडी र स्वयम् सेवक महेन्द्रनगरबाट १४ असारमा फिर्ता भएका हुन् ।

तामिलका लागि राखेपले २५ जना खेलाडीलाई काठमाठौंबाट विदाइ गरि पठाएको थियो । नौ महीने प्रशिक्षणका लागि एनआईसीले एथ्लेटिक्सका सन्तोष श्रेष्ठ र प्रमिला रिजाल, टेबुलटेनिसका आशिष अवाले, बक्सिङ्गका दिनेश श्रेष्ठ र पृथ्वीबहादुर आलोकलाई स्वीकृती दिएको छ बाँकी भने महेन्द्रनगरबाटै फिर्ता भएका छन् ।

२५ जनाको टोलीलाई काठमाडौंबाट राष्ट्रिय खेलकुद परिषद् (राखेप)का सदस्य सचिव केशवकुमार बिष्टले विदाई गरी भारत पठाएका थिए । राखेप स्रोतका अनुसार मन्त्रीकै दबावमा २५ जनाको टोली तालिमका लागि पठाइएको थियो ।

प्रतिकृया दिनुहोस